აღნიშნული მატჩის მთავარი მოქმედი პირი ქართველი შემტევი იყო - საბა ლობჟანიძემ მეტოქეს 2 გოლი გაუტანა და გუნდის გამარჯვებაში უდიდესი როლი ითამაშა.
შეხვედრის ანგარიში პირველი ტაიმის მიწურულს 44-ე წუთზე, სწორედ საბა ლობჟანიძემ გახსნა, რომელმაც 59-ე წუთზე დუბლი გაიფორმა და უპირატესობა ორბურთიანი გახადა. 3 წუთში მესიმ ერთი ბურთი გაქვითა, თუმცა, 73-ე წუთზე ტიარემ აიღო ინტერ მაიამის კარი და საბოლოო ანგარიში, 1:3 დააფიქსირა.
აღსანიშნავია, რომ საბა ლობჟანიძემ ორივე გოლი საჯარიმოს გარედან გაიტანა — Sofascore-მა 29 წლის ქართველის თამაში 8,7 ქულით შეაფასა და მატჩის საუკეთესო მოთამაშედ დაასახელა.
აღნიშნული გამარჯვების შემდეგ, ატლანტა იუნაიტედს 16 ქულა აქვს და მე-12 ადგილზე იმყოფება, ხოლო ინტერ მაიამი 34 ქულით MLS-ის აღმოსავლეთ კონფერენციის სატურნირო ცხრილის ლიდერია. მომდევნო ტურში საბა ლობჟანიძის გუნდი შარლოტს უმასპინძლებს, ხოლო მესის გუნდი სენ ლუის სითის მიიღებს.
ინტერ მაიამი 1-3 ატლანტა იუნაიტედი
