ფერან ტორესმა თავისი საყვარელი მწვრთნელი დაასახელა. მსოფლიო ჩემპიონი თავდამსხმელისთვის ასეთი დამრიგებელი არის ლუის ენრიკე, რომელთანაც ესპანელი ფორვარდი ახალი სეზონიდან პარი სენ-ჟერმენში იმუშავებს. შეგახსენებთ, ეროვნულ გუნდში 1-ელი გამოძახება მან სწორედ პსჟ-ს ამჟამინდელი დამრიგებლის "ლა როხაში" მოღვაწეობის დროს მიიღო.
"ყოველთვის ვამბობდი, რომ საფეხბურთო სამყაროში ენრიკე მამასავით მყავს. მისი მწვრთნელობით ვთამაშობდი ესპანეთის ნაკრებში და ის მუდამ მენდობოდა. ფანტასტიურია იმაზე ფიქრი, რომ ლუჩო კვლავ ჩემი დამრიგებელი იქნება", - განაცხადა ბარსელონას ექს-ფორვარდმა, რომელიც "ლურჯ-წითლებში" 45 მილიონი ევროს სანაცვლოდ გადავიდა.
როგორც აღვნიშნეთ, პარკ დე პრენსის ბინადრების ახალ ცხრიანს "ფურია როხაში" დებიუტი სწორედ ესპანელი მწვრთნელის მუშაობის პერიოდში ჰქონდა. ეს მოხდა 2020 წლის სექტემბერში, ერთა ლიგის შეხვედრაში გერმანიის ეროვნული გუნდის წინააღმდეგ, რომელიც 1:1 დასრულდა.
