მანჩესტერ სიტის მთავარმა მწვრთნელმა, ენცო მარესკამ როდრი ერნანდესის შესახებ ისაუბრა. მადრიდის რეალის ინტერესის მიუხედავად, იტალიელმა სპეციალისტმა აღნიშნა, ესპანელი შუახაზელი "ქალაქელებში" დარჩება. როგორც ცნობილი ხდება, ახალი საკლუბო სეზონის დაწყებამდე, "ლა როხას" კაპიტანი ოპერაციასაც გაიკეთებს.
"სავსებით ნორმალურია, როდესაც დიდი ფეხბურთელების გარშემო სხვადასხვა ჭორები და მითქმა-მოთქმა ვრცელდება. განსაკუთრებით მაშინ, როცა იგებ ბალონ დ'ორს, შემდეგ კი მუნდიალსაც. როდრი არის ის მოთამაშე, რომლის ხილვაზე თავის კლუბში ნებისმიერი სპეციალისტი იოცნებებდა.
დიახ, ერნანდესი მსოფლიოს ერთ-ერთი საუკეთესო ფეხბურთელია. მისი მომავალი? ორშაბათს უწევს ოპერაცია, მოგვიანებით კი შვებულება, დასვენება, ძალების აღდგენა. სეზონის დაწყების წინ, ესპანელი შუახაზელი სიტიში დაბრუნდება", - განაცხადა 46 წლის სპეციალისტმა.
