Vogue-თან ინტერვიუში კრიშტიანუ რონალდუმ განაცხადა, რომ 2027 წელს კარიერის დასრულებას აპირებს. რამდენიმე თვით ადრე, გავრცელდა ცნობები, თითქოს პორტუგალიელი ფორვარდი უკანასკნელ მატჩს თავისი ქვეყნის ეროვნულ გუნდში ჩაატარებდა 24 სექტემბერს, ერთა ლიგაზე უელსის წინააღმდეგ.
იმ დროს ამ ინფორმაციას არავინ მიაქცია ყურადღება, რადგან მსოფლიო ჩემპიონატიდან გამოვარდნის შემდეგ, ალ ნასრის კაპიტანს პორტუგალიის ეროვნული გუნდიდან წასვლაზე არაფერი უთქვამს. მეტიც, სპორტულ მედიაში ვარაუდობდნენ, პირენეელთა მე-7 ნომერი ევრო 2028-ზეც ითამაშებდა.
ბოლო ინტერვიუს შემდეგ, რამდენიმე თვის წინ გავრცელებული ინფორმაცია კვლავ გახდა აქტუალური და 41 წლის თავდამსხმელის სექტემბერში "ლუზიტანებიდან" საბოლოოდ წასვლის ალბათობა უკვე მაღალია ისე, როგორც არასდროს. ბრიტანელებთან შეხვედრა შედგება ლისაბონის სპორტინგის სტადიონზე...სწორედ მშობლიურ არენაზე აპირებს რონალდუ უკანასკნელი თამაშის ჩატარებას.
რაც შეეხება ინტერვიუს, პორტუგალიელი თავდამსხმელის სრული ციტატა კარიერის დასრულების თაობაზე ჟღერდა ასე - "მომავლის ყველა გეგმა უკვე გაწერილი მაქვს. იმდენი საქმეა, განსაკუთრებით რომელიმე ერთის გამოყოფა მიჭირს. ფეხბურთიდან წასვლამ შეიძლება დიდი სიცარიელე დატოვოს, ის სხვადასხვა გზით უნდა შევავსო და არა მხოლოდ ერთით.
ასევე, მეტი გავერთო, მეტი ვიმოგზაურო, ვუყურო და ვითამაშო პადელი - ძალიან მომწონს, და გავაგრძელო იმით სიამოვნება, რაც დავიმსახურე - რასაც მივაღწიე. საბოლოო ჯამში, ამ 25 წელში დიდი მსხვერპლი გავიღე.სავარაუდოდ, ეს ჩემი ბოლო სეზონია ფეხბურთში და მინდა, შთამბეჭდავი მემკვიდრეობა დავტოვო", - განაცხადა კრიშტიანუმ.
