მსოფლიო ჩემპიონატის ჯგუფური ეტაპის პირველ ტურში პორტუგალიის ნაკრებმა სენსაციურად კონგოს დემოკრატიული რესპუბლიკის ეროვნულ გუნდთან მოგება ვერ შეძლო. პირენეელთა მხრიდან კრიტიკის ქარ-ცეცხლში მოექცა კრიშტიანუ რონალდუ, რომელმაც 2 რეალური მომენტი ვერ გამოიყენა.
პორტუგალიელ თავდამსხმელს აკრიტიკებს საფეხბურთო სამყარო, თუმცა თავად ლეგენდარული ფეხბურთელის ფანებმა მიზანში ბრუნო ფერნანდეში ამოიღეს. მისი უკანასკნელი ინსტრაგ პოსტის ქვეშ ძირითადად არის ალ ნასრის კაპიტნის ქომაგთა კომენტარები და ისინი პორტუგალიელ ფლეიმეიქერს ჰეითერობაში სდებენ ბრალს.
რატომ მაინც და მაინც მანჩესტერ იუნაიტედის ლიდერი? ყველაფრის მიზეზია მსოფლიო ჩემპიონატის სადებიუტო მატჩის ერთ-ერთი ეპიზოდი, რომლის დროსაც ლეგენდარულმა მე-7 ნომერმა გააფუჭა ფრანსიშკუ კონსეისაუს პასი, მაშინ, როცა 31 წლის ფლეიმეიქერი უფრო ხელსაყრელ პოზიციაში იდგა.
ეპიზოდის დასრულების შემდეგ, "ლუზიტანების" რვიანმა ღიად გამოხატა უკმაყოფილება 41 წლის თავდამსხმელის მისამართით, რაც მის ფანებს არ მოეწონათ. შეგახსენებთ იმასაც, რომ რობერტო მარტინესის შეგირდებს მუნდიალის ჯგუფურ ეტაპზე ელით კიდევ 2 შეხვედრა, კოლუმბიასა და უზბეკეთთან.
