კომოს მთავარ მწვრთნელს, სესკ ფაბრეგასს ჰკითხეს, რა მოხდება იმ შემთხვევაში, თუ მას მადრიდის რეალი დაუკავშირდება. ახალგაზრდა ესპანელმა სპეციალისტმა აღნიშნა, წითელი ხაზები მისთვის არ არსებობს არცერთი კლუბის მიმართებაში, მათ შორის არც სანტიაგო ბერნაბეუს მკვიდრების.
"რა მოხდება თუ დამირეკავს რეალი? მე არ მაქვს გავლებული წითელი ხაზები არცერთი გუნდის მიმართებაში. ერთადერთი, რაც არ მინდა, ასისტენტად მუშაობა არის. თავიდანვე ვიცოდი, მინდა მწვრთნელობა და არა თანაშემწედ ყოფნა. სხვა კლუბში გადასვლაზე კი არ მიფიქრია", - განაცხადა "ბიანკობლუს" დამრიგებელმა.
შეგახსენებთ, რომ 39 წლის მწვრთნელის სახელს ჩელსისა და მანჩესტერ სიტის უკავშირებენ. დედაქალაქური გუნდი უკვე არის ახალი სპეციალისტის ძიებაში, მანჩესტერელები კი აღნიშნულ ნაბიჯს პეპ გუარდიოლას წასვლის შემთხვევაში გადადგამენ.
