ესპანეთის სუპერთასის ნახევარფინალში რეალ მადრიდმა რეალ მალიორკა ანგარიშით 3:0 გაანადგურა. ლა ლიგის მოქმედი ჩემპიონის მხრიდან გოლები გაიტანეს ჯუდ ბელინგემმა და როდრიგო გოესმა, მე-3 ბურთი კი მარტინ ვალიენტის ავტოგოლით გავიდა. "სამეფო კლუბი" ფინალშია, სადაც ბარსელონას შეხვდება.
"ბლანკოსისა" და "ბლაუგრანას" დაპირისპირება გაიმართება 12 იანვარს, ჩვენი დროით 23:00 საათზე. შეგახსენებთ იმასაც, რომ აღნიშნული გუნდები მიმდინარე სეზონში ერთმანეთს უკვე შეხვედრილან: კატალონიელებმა კარლო ანჩელოტის გუნდი 4:0 გაანადგურეს.