რობერტ ლევანდოვსკის აგენტმა, პინი ზაჰავიმ ისაუბრა იმის შესახებ, თუ რატომ არ შედგა მისი კლიენტის ტრანსფერი სერია ა-ს გუნდში. თავად ისრაელელი აგენტის თქმით, პოლონელ ფორვარდს ჰქონდა ტურინის იუვენტუსსა და მილანში გადასვლის ვარიანტები, მაგრამ გარიგება ფინანსური მიზეზის გამო არ შედგა.
"შევხვდი იუვენტუსისა და მილანის წარმომადგენლებს - ორივე გუნდისთვის ლევანდოვსკის ტრანსფერი დიდი მოვლენა იქნებოდა. გულახდილად რომ გითხრათ, რობერტი მათთვის მიუწვდომელი აღმოჩნდა. კალჩო აღარაა ფინანსურად ყველაზე ძლიერი და ფულთან მიმართებაში იქ სერიოზული პრობლემებია.
რაც შეეხება ბარსელონადან წასვლის მიზეზს, ლაპორტად უნდოდა, რომ პოლონელი თავდამსხმელი გუნდში დარჩენილიყო კიდევ ერთი წლით, მაგრამ ფლიკი ძირითადში თამაშის გარანტიას არ იძლეოდა. ეს ფაქტორი ბაიერნის ექს-ფორვარდისთვის არის გადამწყვეტი, ფულზე მნიშვნელოვანიც კი, მას მოედანზე გამოსვლა უნდოდა", - განაცხადა ჩიკაგო ფაიერის მე-9 ნომრის აგენტმა.
