ლეგენდარულმა ქართველმა ფეხბურთლმა და მწვრთნელმა, შოთა არველაძემ სამწვრთნელო შეთავაზებებთან დაკავშირებით, დღეს Lagazzetta.ge-სთან ისაუბრა:
" შემოთავაზებები მქონდა ომში მყოფი ქვეყნებიდან, ეს იყო უკრაინაც და ირანიც, ეს მოხდა ბოლო 10 დღის განმავლობაში, ირანში ომი ჯერ არ იყო დაწყებული. მაქვს რამდენიმე შემოთავაზება, მათ შორის საბერძნეთიდანაც, ჯერ ზუსტად არ ვიცი რა გამოვა. როგორც მწვრთნელი გავაგრძელებ ჩემს მუშაობას, განვიხილავ ყველა საინტერესო შემოთავაზებას, მათ შორის ევროპული და სხვა ქვეყნებიდან."
შეგახსენებთ, შოთა არველაძემ სამწვრთნელო კარიერა 2010 წელს დაიწყო, ამ დროის განმავლობაში ქართველი 8 სხვადასხვა გუნდს წვრთნიდა. განსაკუთრებულ წარმატებას კი უზბეკურ ტაშკენტის „ფახთაქორში“ მიაღწია, გუნდს 5 ტიტული მოაგებინა, ორჯერ უზბეკეთის ჩემპიონობა იზეიმეს, ორჯერ უზბეკეთის თასი და ერთხელ სუპერთასი მოიგეს. შოთა არველაძე ბოლოს თურქულ კარაგუმრუკში მუშაობდა, ქართველმა გუნდი 2024 წლის 10 მარტს დატოვა.
