მიუხედავად იმისა, რომ პსჟ ლიგა 1-ის ლიდერია, რეალი კი ლა ლიგის, სეზონი მათ ცუდად დაიწყეს და ჩემპიონთა ლიგაზეც ქვედა პოზიციებზე არიან. პსჟ-ს ლიგის მომდევნო ეტაპზე გასვლის მცირე შანსები აქვს.
რაც შეეხება მანჩესტერ სიტის, პეპ გვარდიოლას გუნდი კრიზისშია, პრემიერ ლიგაში ოთხეულს მიღმაა, ჩემპიონთა ლიგაზე კი შესაძლოა 24-ეულს მიღმა დარჩეს.
ამ ყველაფრის ფონზე, კლუბის ხელმძღვანელობამ ზამთრის სატრანსფერო ფანჯარაზე ფული დახარჯეს - პსჟ-მ ხვიჩა კვარაცხელია 70 მილიონ ევროდ იყიდა, მანჩესტერ სიტიმ ხუსანოვი, მარმუში, რეისი დაიმატა და ამბიციებიც გაეზარდა.
რას აკეთებს ამ დროს რეალი? - ანჩელოტის ჯერჯერობით ტრანსფერი არ განუხორციელებია. საუბრები არნოლდის და რამდენიმე მოთამაშის დამატებაზე მიმდინარეობს, მაგრამ სატრანსფერო ფანჯრის დასრულებამდე 10 დღით ადრე, სიახლეები საერთოდ არ არის და ჯერჯერობით, არც ამის წინაპირობა ჩანს.
ელ კლასიკოში მარცხს თუ არ ჩავთვლით, ბოლო პერიოდში რეალი ფორმაში შევიდა, თუმცა ფაქტია, დაცვით ხაზში პრობლემები აქვს და ამ კლუბის გულშემატკივრები ხელმძღვანელობას სასწრაფოდ გააქტიურებისკენ მოუწოდებენ.
