ბარსელონასა და მადრიდის ატლეტიკოს შორის ხულიან ალვარესის თაობაზე სატრანსფერო ომი გრძელდება. დედაქალაქური გუნდის პოზიცია უცვლელია: არგენტინელი ფორვარდის გაფორმება შეუძლია ნებისმიერ კლუბს, გარდა კატალონიურისა. უცნაურია, იმის გათვალისწინებით, რომ "ბლაუგრანასა" და "როხიბლანკოსს" შორის მტრობა არასდროს არსებობდა.
დიახ, კამპ ნოუს ბინადრები და ატლეტიკო არიან ერთმანეთის კონკურენტები, თუმცა ამის მიუხედავად, ამ გუნდებს შორის ტრანსფერები რეგულარულად ხორციელდებოდა. ბარსასა და მადრიდელებს შორის საერთო ჯამში 70-მდე ოფიციალური გარიგებაა რეგისტრირებული. ერთი კლუბიდან მეორეში ლეგენდარული მოთამაშეებიც გადასულან.
მაგალითად, კატალონიურმა გუნდმა "როხიბლანკოსში" უპრობლემოდ გაუშვა დავიდ ვილა და ლუის სუარესი, თანაც ისე რომ დედაქალაქურმა კლუბმა მათთან ერთად პრიმერა დივიზიონი მოიგო. საპირისპირო მიმართულებით წავიდა ანტუან გრიზმანი, რომლის "ბლაუგრანაში" გაყიდვით, მეტროპოლიტანოს მკვიდრებმა თავისთვის რეკორდული 120 მილიონი მიიღეს.
არ უნდა დაგვავიწყდეს ისიც, რომ რამდენიმე წლის შემდეგ, ფრანგი თავდამსხმელი დაბრუნდა დიეგო სიმეონესთან, თანაც ისე, რომ კამპ ნოუს მკვიდრებმა მის სანაცვლოდ საერთო ჯამში სულ რაღაც 32 მილიონი მიიღეს. ორლანდო სიტის ამჟამინდელი ფორვარდის გადასვლა-გადმოსვლამ არ წარმოადგინა პრობლემა, არგენტინის ეროვნული გუნდის წინახაზელის გაყიდვისგან განსხვავებით.
ჩვენ ვსაუბრობთ ფეხბურთელის თაობაზე, ვინც არის ატლეტიკოს ისტორიაში ყველა დროის საუკეთესო ბომბარდირი და ბევრის აზრით, საუკეთესო მოთამაშეც. როგორც აღვნიშნეთ, საფრანგეთის ეროვნული გუნდის ყოფილი მე-7 ნომერი არაა ერთადერთი, ქვემოთ შეგიძლიათ იხილოთ 10 ყველაზე ცნობილი გარიგება, რომელიც ბარსასა და მადრიდელებს შორის დადებულა.
10 ყველაზე გახმაურებული ტრანსფერი ბარსელონასა და ატლეტიკოს შორის
| მემფის დეპაი | ბარსელონადან - ატლეტიკოში | 3 მილიონი ევრო | 2022/23 |
| ჟოაუ ფელიქსი | ატლეტიკოდან - ბარსელონაში | იჯარა | 2023/24 |
| ლუის გარსია | ბარსელონადან - ატლეტიკოში | იჯარა | 2002/03 |
| ანტუან გრიზმანი | ატლეტიკოდან - ბარსელონაში | 120 მილიონი ევრო | 2019/20 |
| კლემან ლანგლე | ბარსელონადან - ატლეტიკოში | უფასოდ | 2025/26 |
| ტიაგო მოტა | ბარსელონადან - ატლეტიკოში | 2 მილიონი ევრო | 2007/08 |
| ხულიო სალინასი | ატლეტიკოდან - ბარსელონაში | 1.1 მილიონი ევრო | 1988/89 |
| ლუის სუარესი | ბარსელონადან - ატლეტიკოში | 9 მილიონი ევრო | 2020/21 |
| არდა თურანი | ატლეტიკოდან - ბარსელონაში | 34 მილიონი ევრო | 2015/16 |
| დავიდ ვილა | ბარსელონადან - ატლეტიკოში | 2.1 მილიონი ევრო | 2013/14 |
