ხულიან ალვარესის წასვლასთან დაკავშირებული საგა ჯერ არ დასრულებულა. ბარსელონა არ კარგავს მისი გაფორმების იმედს, თუმცა მადრიდის ატლეტიკო არგენტინელ ფორვარდს კონკურენტ კლუბში არ უშვებს. აღსანიშნავია, რომ პრიმერა დივიზიონის 1-ელ ტურში, რომელშიც "როხიბლანკოსის" მოწინააღმდეგე იყო მალაგა, "ალბისელესტეს" წინახაზელი განაცხადში არ ყოფილა.
მატჩის მიმდინარეობისას ისმოდა, თუ როგორ აყენებდნენ მეტროპოლიტანოზე შეკრებილი გულშემატკივრები სიტყვიერ შეურაცხყოფას 26 წლის ფორვარდს და აღნიშნული ფაქტი ჟურნალისტებს არ გამოჰპარვიათ. შეხვედრის დასრულების შემდეგ, დიეგო სიმეონეს ჰკითხეს, თუ რას ფიქრობდა ის ამ ყველაფერთან დაკავშირებით.
როგორი გასაკვირიც არ უნდა იყოს, არგენტინელ მწვრთნელს არ დაუცვია "ლა არანია", მან დაიჭირა თავისი გუნდის გულშემატკივრების მხარე და ჟურნალისტებს ასეთი პასუხი გასცა: "ჩვენს ქომაგებს უდიდეს პატივს ვცემ". აქვე დავამატებთ იმასაც, რომ ატლეტიკოს შემდეგი მოწინააღმდეგე იქნება ვილიარეალი, მაგრამ "ალბისელესტეს" მე-9 ნომერი უდიდესი ალბათობით აღნიშნულ შეხვედრასაც გამოტოვებს.
⚽ SIMEONE EVITÓ RESPALDAR A JULIÁN ÁLVAREZ TRAS LOS INSULTOS
— bardeonews (@bardeonews) August 20, 2026
Ante los silbidos de los hinchas del Atlético, dijo: "Soy muy respetuoso de nuestra gente".pic.twitter.com/Q93y3314kl
