![[პრევიუ] მთელი ევროპა კვლავ უნდა გავაოცოთ, ამჯერად ჩვენი მეტოქე ესპანეთია](/_next/image?url=https%3A%2F%2Fge-gz-uploads-471112570717-eu-central-1-an.s3.eu-central-1.amazonaws.com%2Fuploads%2Fposts%2FtoCM79uSG5c8ZMm6yBKqcKzZv5XVLFHx.webp&w=3840&q=75)
ჯგუფური ეტაპის ბოლო ტურში ჩვენმა ნაკრებმა უდიდესი სენსაცია დააფიქსირა, პორტუგალია დაამარცხა და ისტორიაში პირველ ევროზე ჯგუფიდან გავიდა.
მიუხედავად იმისა, რომ ბოლო წლებში ესპანეთთან ცუდი შედეგები გვაქვს, დღევანდელ მატჩს საქართველოს ნაკრები სულ სხვა განწყობითა და ემოციებით ხვდება. რა თქმა უნდა, კიოლნში ათასობით გულშემატკივარია შეკრებილი.
სამწუხაროდ, დისკვალიფიკაციის გამო ნაკრებს ანზორ მექვაბიშვილი დააკლდება, დანარჩენი ყველა ფეხბურთელი სრულ მზადყოფნაშია.
გარდა იმისა, რომ საქართველოს ნაკრები ჯგუფიდან გავიდა, ჩვენი ფეხბურთელები სხვადასხვა კომპონენტში ამ ტურნირის ლიდერები არიან: მიქაუტაძე - ბომბარდირი, მამარდაშვილი - ყველაზე მეტი სეივი, ქოჩორაშვილი - ყველაზე მეტი მოგებული პოზიცია.
რაც შეეხება ესპანეთის ნაკრებს, თამამად შეიძლება ითქვას, რომ ამ ევრპის ჩემპიონატზე ესპანეთი ყველაზე კარგ ფორმაშია. სამიდან სამივე თამაში ისე მოიგეს, რომ გოლიც არ გაუშვიათ.
ვილი სანიოლი (საქართველოს ნაკრების მწვრთნელი): "ესპანეთის ნაკრები ამჟამად ევროპის ჩემპიონატის საუკეთესო ნაკრებია. როგორც უკვე ვთქვი, ხვალ განსხვავებული სიტუაცია და ატმოსფერო დაგვხვდება და ყველაფერი შეიძლება მოხდეს. რა თქმა უნდა, ჩვენ გვაქვს ჩვენი სათამაშო სტილი, ვიცით, როგორ ვითამაშოთ დაცვაში, მაგრამ ფეხბურთი არ არის მათემატიკა ან ჭადრაკი, რომ რაიმე წინასწარ გათვალო. ტაქტიკის გარდა, ფეხბურთელმა მოედანზე თავისუფლად უნდა ითამაშოს, მთელი ემოციებითა და შეგრძნებით."
ლუის დე ლა ფუენტე (ესპანეთის ნაკრების მწვრთნელი): "პორტუგალიასთან მოგებამ დაგვანახა, რომ საქართველოს ნაკრებს სიურპრიზების შემოთავაზება შეუძლია და მათთან ადვილი მატჩი არ გველის. საქართველოს ნაკრებს სწრაფ კონტრშეტევებზე უნდა ვუფრთხოდეთ, რადგან მათ დაცვიდან შეტევაში გადასვლა კარგად და ხასირსხიანად შეუძლიათ. გასაგებია, რომ მათთან ცოტა ხნის წინ 7:1 მოვიგეთ, მაგრამ ეს განსხვავებული ჩემპიონატია და მეტოქე უნდა დავაფასოთ."
ურთიერთშეხვედრების ბოლო 5 მატჩი: ესპანეთი-საქართველო 0:1, საქართველო-ესპანეთი 1:2, ესპანეთი-საქართველო 4:0, საქართველო-ესპანეთი 1:7, ესპანეთი-საქართველო 3:1;
ესპანეთი-საქართველო:
ევროპის ჩემპიონატი, 1/8-ფინალური ეტაპი;
30 ივნისი, 23:00, თბილისის დროით;
რეინენერგიშტადიონი (კიოლნი);
მთავარი მსაჯი: ფრანსუა ლეტექსიე (საფრანგეთი);
სავარაუდო შემადგენლობა:
