მონაკოსთან ერთად წინასასეზონო შეკრებაზე ინგლისში მყოფმა პოლ პოგბამ ბარძაყის ტრავმა მიიღო და მოედანს გაურკვეველი ვადით ჩამოშორდა. ეს ფრანგი ფლეიმეიქერისთვის უკანასკნელი 1 წლის მანძილზე არც პირველი, არც მეორე და არც მესამე ტრავმაა. გასული სეზონის დასაწყისში "თავადთა" გამთამაშებელი ოპტიმალურ ფორმაში არ იმყოფებოდა, შემოდგომაზე მან ბარძაყი დააზიანა, რის შემდეგაც მას კოჭიც აწუხებდა.
ზამთარში ორგანიზმმა კვლავ უარი თქვა ფეხბურთის თამაშზე – "თეთრ-წითლების" რვიანს გაზაფხულის შუა რიცხვებამდე დიდწვინის ძვლის ტრავმა აწუხებდა. სეზონის დასრულების შემდეგ, "პოლპო" ტკივილს მარჯვენა მუხლშიც განიცდიდა. პრესაში ხუმრობენ, რომ მან ჩატარებულ თამაშებზე (6) მეტი ტრავმა მიიღო.
33 წლის ნახევარმცველის მიზანი იყო ფეხბურთში სრულფასოვანი დაბრუნება, საფრანგეთის ნაკრებთან ერთად მსოფლიო ჩემპიონატზე თამაში და ლუი II-ეს მკვიდრთა დიდ ევროპულ სცენაზე დაბრუნება. როგორც ვხედავთ, პოგბას ჩანაფიქრები არ ახდა და კლუბში მასთან კონტრაქტის გაწყვეტაზეც ფიქრობენ.
