ემილ ჰესკიმ ლივერპულისთვის მოჰამედ სალაჰის იდეალური შემცვლელი დაასახელა. შეგახსენებთ, რომ ლეგენდარულმა შემტევმა ამ სეზონის ბოლოს მერსისაიდი დატოვა. ინგლისელი ექს-ფორვარდი თვლის, რომ ეგვიპტელი ვინგერის შეცვლა შეუძლია პარის სენ-ჟერმენის ფლანგელს, ხვიჩა კვარაცხელიას.
"კვარაცხელია არის ის ფეხბურთელი, ვისი ხილვაც ლივერპულში მსურს. მხოლოდ 25 წლის არის და უკვე შემდგარი ვარსკვლავია. რაც მთავარია, ხვიჩა უფრო და უფრო უმატებს. მის თამაშს თვალს ვადევნებ ჯერ კიდევ ნაპოლიდან, სადაც ოსიმენთან მან მრისხანე დუეტი შექმნა. უბრალოდ წარმოიდგინეთ ქართველი ვინგერი მერსისაიდში.
ერთ ფლანგზე პარის სენ-ჟერმენის შემტევი, საპირისპიროზე კი გორდონი ან ნგუმოა. მათ დაუმატეთ ისაკი და ეკიტიკე - იდეალური თავდასხმა არის. არ აქვს მნიშვნელობა, თუ რომელი მათგანი ითამაშებს და რომელი დარჩება სკამზე, "წითლებს" ნებისმიერ შემთხვევაში უძლიერესი ტრიო ეყოლება", - განაცხადა ენფილდის მკვიდრთა ექს-ფორვარდმა.
