საფეხბურთო ტურნირი ოლიმპიურ თამაშებზე დაიწყო დიდი სკანდალით - არგენტინისა და მაროკოს შეხვედრაში მოხდა არეულობა, რომელიც დიდხანს გვემახსოვრება. მივყვეთ ყველაფერს თანმიმდევრობით. "ალბისელესტე" აგებდა 0:2-ს, მაგრამ მე-16 დამატებულ წუთზე ტაბლოზე უკვე 2:2 იყო. ქულის მომტანი ბურთი გაიტანა კრისტიან მედინამ, მაგრამ ამით არაფერი დასრულებულა.
"თეთრ-ლურჯებმა" დაიწყეს ზეიმი, როდესაც მოედანზე ტრიბუნებიდან შევარდნენ მაროკოელი გულშემატკივრები, რომლებიც განრისხებულები იყვნენ იმ ფაქტით, რომ მსაჯმა დაამატა 15 წუთი, ისედაც ძალიან ბევრი, გოლის გატანის პროცესი კი მოხდა კიდევ უფრო გვიან, მე-16 წუთზე. "ლა სელესიონის" მოთამაშეების მიმართულებით ისროდნენ ბოთლებს, ჭიქებს და სხვა ნაგავს.
თავდაპირველად ჩანდა ისე, თითქოს შეხვედრა დასრულდა 2:2, თუმცა ორგანიზატორებმა გადაწყვეტილება მალევე შეცვალეს. ოფიციალური ვერსიით, მატჩი უბრალოდ შეწყდა. მსაჯები დიდხანს ბჭობდნენ იმის შესახებ, თუ როგორი უნდა ყოფილიყო მატჩის ფინალი და ცნობისთვის, ხავიერ მასკერანოს შეგირდები იმ მომენტისთვის მოედნიდან გასულებიც იყვნენ.
შეხვედრა საერთო ჯამში გაგრძელდა 3.5 საათი და აქედან 1.5 საათი პაუზა იყო. საბოლოო ვერდიქტი იყო ასეთი - ფეხბურთელები უნდა დაბრუნებულიყვნენ მოედანზე ბოლო 3 წუთის თავიდან სათამაშოდ. აღსანიშნავია, რომ პაუზის პერიოდში VAR-ი ამოწმებდა არგენტინის გოლს, იყო თუ არა ის ჩასათვლელი რეალურად.
1.5 საათიანი დაკვირვების შედეგად დადგინდა, რომ "ალბისელესტეს" შეტევის მომენტში თამაშგარე იყო დაფიქსირებული. ოფსაიდის მიზეზი - ბრუნო ამიონე დარტყმის მომენტში იყო თამაშგარეში და მისი მდგომარეობა მომენტზე გავლენას ახდენდა. შედეგად, "თეთრ-ლურჯების" ბურთი გაუქმდა, ტაბლოზე იყო ისევ 1:2, ფეხბურთელებმა კი ბოლო 3 წუთი უმაყურებლოდ ჩაამთავრეს.
ესპანეთის სტარტი უფრო წარმატებული გამოდგა. ანგარიში მარკ პუბილის გოლებით გახსნეს სწორედ ევროპის ჩემპიონებმა, თუმცა პირველი ტაიმის ბოლოს ელდორ შომუროდოვმა ანგარიში გაათანაბრა.
59-ე წუთზე დაინიშნა კიდევ ერთი პენალტი, ამჯერად უზბეკეთის კარში, თუმცა სერხიო გომესმა თავისი შანსი ვერ გამოიყენა. ამის მიუხედავად, ზუსტად 4 წუთში გამარჯვების მომტანი გოლი მან მაინც გაიტანა.
59-ე წუთზე დაინიშნა კიდევ ერთი პენალტი, ამჯერად უზბეკეთის კარში, თუმცა სერხიო გომესმა თავისი შანსი ვერ გამოიყენა. ამის მიუხედავად, ზუსტად 4 წუთში გამარჯვების მომტანი გოლი მან მაინც გაიტანა.
