საქართველოს სპორტის სამინისტროს მხარდაჭერითა და საქართველოს ფარიკაობის ფედერაციის ინიციატივით ნუგზარ ასათიანის სახელობის ფარიკაობის დარბაზს რეაბილიტაცია ჩაუტარდა. განახლებული დარბაზი საქართველოს სპორტის სამინისტროს სპორტის დეპარტამენტის ხელმძღვანელმა ზურაბ ბაქრაძემ და მოფარიკავე სანდრო ბაზაძემ გახსნეს.
ნუგზარ ასათიანის სახელობის ფარიკაობის განახლებული დარბაზი თანამედროვე სტანდარტების შესაბამისად მოეწყო, აღიჭურვა საჭირო ინვენტარითა და ინფრასტრუქტურით, რაც მოფარიკავეებს მომზადებისთვის კომფორტულ პირობებს შეუქმნის.
