მოყვარულთა ლიგის თბილისის სუპერ ლიგაში მე-12 ტურის შეხვედრები დიდ ინტერესს იწვევს და ტრადიციულად, ახალი ტურის წინ ყველაზე საინტერესო დაპირისპირებებს გადავხედოთ. ტურის ცენტრალური მატჩი უდავოდ ოლ სტარსა და შტურმს შორის გაიმართება. ეს შეხვედრა ლიდერობისთვის ბრძოლაში შესაძლოა გადამწყვეტიც კი აღმოჩნდეს, რადგან ერთმანეთს პირველობის მთავარი პრეტენდენტები უპირისპირდებიან. ორივე გუნდი მიმდინარე სეზონში სტაბილურ თამაშს აჩვენებს და გულშემატკივრებს დაძაბულ და სანახაობრივ შეხვედრას ჰპირდება.
გასული ტურების შემდეგ სატურნირო ცხრილის ზედა ნაწილში კონკურენცია კიდევ უფრო გამძაფრდა. სწორედ ამიტომ, ოლ სტარისა და შტურმის დაპირისპირების შედეგი შესაძლოა მთელი სეზონის ერთ-ერთ მნიშვნელოვან მომენტად იქცეს.
არანაკლებ საინტერესოა აფხაზეთისა და კვარტალის შეხვედრაც. აფხაზეთი მიმდინარე სეზონში ერთ-ერთ ყველაზე ლამაზ და შემტევ ფეხბურთს თამაშობს, მათი მატჩები კი თითქმის ყოველთვის სანახაობრივი გამოდის. მეორე მხარეს კვარტალია - გუნდი, რომელიც ლიგის დაარსების დღიდან მისი ერთ-ერთი მთავარი სახე და სიმბოლოა. ეს დაპირისპირება განსაკუთრებულ ინტერესს იწვევს.
მე-12 ტურის აფიშა გვაძლევს იმის საფუძველს, რომ სატურნირო ცხრილში მნიშვნელოვანი ცვლილებები ვიხილოთ. ლიდერობისთვის ბრძოლა სულ უფრო მწვავე ფაზაში შედის და თითოეულ ქულას ოქროს ფასი აქვს. თბილისის სუპერლიგის მიმდინარე სეზონი უკვე არაერთი საინტერესო მატჩით დაგვამახსოვრდა, თუმცა წინ კიდევ უფრო მნიშვნელოვანი შეხვედრებია.
VS Brothers VS ჯითისი
სტელა VS ქომაგები
ბასა VS სეუ
ლაზები VS კოლხეთი
ოლ სტარი VS შტურმი
აფხაზეთი VS კვარტალი
