მოყვარულთა ლიგაში თბილისის სუპერ ლიგის მე-11 ტური მოახლოვდა და გავაგრძელოთ ჩვენი ტრადიციული ხაზი, სადაც ახალი ტურის წინ საინტერესო ამბებს მიმოვიხილავთ.
მე-11 ტურში ერთი, ყველასგან გამორჩეული ცენტრალური მატჩი გველის, სადაც მიმდინარე სეზონის ლიდერი მოქმედ ჩემპიონს დაუპირისპირდება. VS Brothers-ისა და ბასას დაპირისპირება მოყვარულთა ლიგის გულშემატკივრებმა არ უნდა გამოტოვონ.
VS Brothers-მა გასულ ტურშიც დიდი ანგარიშით იმარჯვა — ლიდერებმა მეტოქე 9:2 გაანადგურეს და კიდევ უფრო მრისხანედ გამოიყურებოდნენ.
ზოგადად, მე-10 ტური განსაკუთრებული გამოდგა, რადგან 6-დან 4 შეხვედრაში დიდი სხვაობა დაფიქსირდა და სტადიონზე მოსულმა გულშემატკივარმა ბევრი ლამაზი და საინტერესო მომენტი ნახა. ბომბარდირთა დავაშიც საინტერესო სურათია — რა გასაკვირია, რომ ლიდერი VS Brothers-ის ფეხბურთელია. ლევან ბოტკოველს 16 გოლი დაუგროვდა და უახლოეს მდევარ შოთა ღვინიაშვილს 6 გოლით უსწრებს.
თბილისის სუპერ ლიგის მე-11 ტურის შეხვედრებს გლდანისა და ნუცუბიძის საფეხბურთო ცენტრები უმასპინძლებენ. აფიშა იმედს გვაძლევს, რომ სატურნირო ცხრილი შეიძლება მნიშვნელოვნად შეიცვალოს.
თბილისის სუპერლიგის მიმდინარე სეზონის სტარტი საინტერესოდ წარიმართა, ახლა მთავარია ლიდერებმა დაგროვილი ქულების შენარჩუნება და ცხრილში წინსვლა განაგრძონ, რაც დასკვნით ფაზას კიდევ უფრო საინტერესოს გახდის.
ბასა vs VS Brothers
ოს სტარი vs სეუ
სტელა vs შტურმი
ლაზები vs კვარტალი
კოლხეთი vs ქომაგები
აფხაზეთი vs ჯი თი სი
