მოყვარულთა ლიგის თბილისის სუპერლიგაში მე-13 ტურის შეხვედრები განსაკუთრებულ ინტერესს იწვევს და ტრადიციულად, ახალი ტურის წინ ყველაზე საინტერესო დაპირისპირებებს გადავხედოთ.
მე-13 ტურის ცენტრალური მატჩი უდავოდ ჯითისისა და ოლ სტარის დაპირისპირება იქნება. ორივე გუნდი მიმდინარე სეზონში მაღალი მიზნებისთვის იბრძვის და მათ შორის შეხვედრა სატურნირო ცხრილის ზედა ნაწილში არსებულ ვითარებაზე მნიშვნელოვან გავლენას მოახდენს. ოლ სტარი ჩემპიონობის ერთ-ერთ მთავარ პრეტენდენტად რჩება, ხოლო ჯითისი კიდევ ერთხელ შეეცდება დაამტკიცოს, რომ ნებისმიერ მეტოქესთან გამარჯვებისთვის მზად არის. გულშემატკივრებს დაძაბული და ხარისხიანი შეხვედრა ელით.
არანაკლებ საინტერესოა შტურმისა და აფხაზეთის მატჩიც. გასული ტურის შემდეგ შტურმი სატურნირო ცხრილის სათავეში მოექცა და ახლა მთავარი გამოწვევა მოპოვებული პოზიციის შენარჩუნებაა. ლიდერის სტატუსი დამატებით პასუხისმგებლობასაც მოითხოვს, თუმცა შტურმმა მიმდინარე სეზონში არაერთხელ დაამტკიცა, რომ მაღალი წნეხის ქვეშ თამაშიც კარგად შეუძლია.
მეორე მხარეს აფხაზეთია გუნდი, რომელიც მიმდინარე სეზონში ერთ-ერთ ყველაზე სანახაობრივ და შემტევ ფეხბურთს თამაშობს. მათი მატჩები ხშირად უხვგოლიანი და ემოციური გამოდის, რაც ამ დაპირისპირებას კიდევ უფრო საინტერესოს ხდის. აფხაზეთი ლიდერთან შეხვედრაში ქულების მოპოვებასა და სატურნირო მდგომარეობის გაუმჯობესებას შეეცდება.
მე-13 ტურის შეხვედრები გვაძლევს საფუძველს ვივარაუდოთ, რომ სატურნირო ცხრილში მნიშვნელოვანი ცვლილებები კვლავ მოხდება. პირველობისთვის ბრძოლა სულ უფრო მწვავე ფაზაში შედის და თითოეული ტური სეზონის საბოლოო შედეგისთვის გადამწყვეტ მნიშვნელობას იძენს.
თბილისის სუპერლიგის მიმდინარე სეზონი უკვე ბევრი დასამახსოვრებელი მატჩით გამოირჩევა, თუმცა წინ კიდევ უფრო მნიშვნელოვანი და პრინციპული დაპირისპირებები გველოდება, რომლებიც ჩემპიონობისა და საპრიზო ადგილებისთვის ბრძოლას ახალ დინამიკას შესძენს.
ჯითისი vs ოლ სტარი
სეუ vs vs brothers
ქომაგები vs ლაზები
კოლხეთი vs ბასა
კვარტალი vs სტელა
შტურმი vs აფხაზეთი
