მადრიდის რეალის მთავარმა მწვრთნელმა, ჟოზე მოურინიომ ბარსელონაში გატარებული პერიოდი გაიხსენა. შეგახსენებთ, რომ ტიტულოვანი პორტუგალიელი სპეციალისტი კატალონიაში მოღვაწეობდა 1996-2000 წლებში, თარჯიმნად და დამრიგებლის ასისტენტად.
"რეალი მიყვარს, თუმცა უარყოფითად არც ბარსელონას მიმართ ვარ განწყობილი. იქ გავატარე შესანიშნავი დრო, მაგრამ შემდეგ, მომიწია კატალონიელთა წინააღმდეგ ყოფნა, როგორც მადრიდის, ისე ინტერისა და ჩელსის დამრიგებლის რანგში. ფეხბურთში ზუსტად საუკეთესოებთან ბრძოლაა მიმზიდველი.
ვარჯიშზე გადაღებული ერთობლივი ცნობილი ფოტო? იმ დროს ვიყავი მწვრთნელის თანაშემწე, გუარდიოლა და ენრიკე კი ფეხბურთელები იყვნენ. დამრიგებლობაზე არ ვფიქრობდით, ახლა კი ევროპის მთავარი საკლუბო ტურნირი სამივემ მოვიგეთ", - განაცხადა "ბლანკოსის" თავკაცმა.
