ინტერ მაიამის თავდამსხმელმა, ლუის სუარესმა დაასახელა სამი შემტევი, ვისაც ბარსელონაში იხილავდა. ვეტერანმა წინახაზელმა გამოარჩია ჰარი კეინი, ერლინგ ჰოლანდი და დარვინ ნუნიესი. როგორც ვიცით, კატალონიელთა სამიზნედ რჩება ხულიან ალვარესი, მაგრამ მადრიდის ატლეტიკო მის ტრანსფერს ბლოკავს.
"თავდამსხმელი ბარსელონასთვის? რამდენიმე ვარიანტი მაქვს. ყველაზე მეტად მომწონს კეინი, გუნდისთვის გაწეული სამუშაოს თვალსაზრისით. ცხადია, არ შეიძლება ჰოლანდის გამოტოვებაც, რომელიც მოწინააღმდეგის საჯარიმოში ნამდვილი მკვლელია. გამოვარჩევ დარვინსაც, მაგრამ მან მიდგომა უნდა შეცვალოს.
ნუნიესს აქვს ბევრი საჭირო თვისება და რაც ყველაზე მთავარია, ჯერ კიდევ შეუძლია განვითარება, რადგან ახალგაზრდა არის. ალვარესის ტრანსფერი? დიდებულია, მაგრამ ატლეტიკოს დატოვება რთული იქნება. ვნახოთ, რა მოხდება უახლოეს პერიოდში", - განაცხადა ურუგვაელმა ფორვარდმა.
