არის ასეთი არაოფიციალური, თუმცა შთამბეჭდავი რეკორდი - გოლის გატანა მატჩის თითოეულ წუთზე: 1-დან - 90-მდე. ეს შეძლო მხოლოდ ოთხმა მოთამაშემ: კრიშტიანუ რონალდუმ, ზლატან იბრაჰიმოვიჩმა, ლუის სუარესმა და რობერტ ლევანდოვსკიმ. მათ მიუახლოვდა მო სალაჰი, რომელსაც აღნიშნულ მიღწევამდე მხოლოდ 1 ბურთი აშორებს.
ეგვიპტელ თავდამსხმელს საამისოდ მეცხრე წუთზე სჭირდება გოლის გატანა. აქამდე, ვეტერანი წინახაზელისთვის მიუღწეველი იყო მე-8 და 48-ე წუთები, მაგრამ ტრაბზონის შემადგენლობაში ჩატარებულ მე-3 შეხვედრაში ლივერპულის ექს-ფორვარდმა ამ ნიშნულსაც მიაღწია. "ზღვისპირელთა" მე-10 ნომერს ახალი მიღწევისთვის წინ მთელი სეზონი აქვს.
შეგახსენებთ, რომ "ფარაონის" ტრანსფერმა თურქული ფეხბურთის ისტორიაში რეკორდულ ციფრებს მიაღწია. ვეტერანი თავდამსხმელის ყოველწლიური ანაზღაურება იქნება 17 მილიონი და ამის გარდა, 34 წლის ფორვარდი პაპარა პარკის მკვიდრთა საკლუბო ატრიბუტიკის გაყიდვიდან 20-25%-ს მიიღებს.
