მოჰამედ სალაჰი ტრაბზონსპორის ფეხბურთელია. ეგვიპტელი ფარაონი თურქეთში გუშინ ჩავიდა და კლუბმა ის ოფიციალურად წარადგინა.
გასაკვირი არაა, რომ სალაჰის თურქეთში ჩასვლას გულშემატკივარი მოუთმენლად ელოდა. გადაჭედილი სტადიონი, დიდი იმედებით. მსგავსი დონის ფეხბურთელს ტრაბზონში ჯერ არ უთამაშია.
რა დგას სალაჰის ტრნანსფერის უკან? - რეკორდები. ტრაბზონსპორში სალაჰის ანაზღაურება წელიწადში 17 მილიონი ევრო იქნება. ეგვიპტელი ფეხბურთელი სუპერლიგის ყველაზე მაღალანაზღაურებადი ფეხბურთელი იქნება.
ტრაბზონსპორის ისტორიაში კი ის მეორე ყველაზე ძვირად შეძენილი მოთამაშეა. სალაჰის სანაცვლოდ 22 მილიონი ევრო გადაიხადეს, როცა ერთი წლის წინ, ონანას სანაცვლოდ ტრაბზონმა მანჩესტერს 25 მილიონი ევრო გადაუხადა.
უკვე მზადაა მოჰამედ სალაგის 11-ნომრიანი ტრაბზონსპორის 100 ათასი მაისური, რომელიც გაყიდვაში სულ მალე გაეშვება. კონტრაქტის თანახმად, სალაჰი გაყიდული მაისრებიდან 20%-ს მიიღებს.
პირველ შეხვედრას ტრაბზონსპორი 15 აგვისტოს, კასიმფაშას წინააღმდეგ გამართავს, რის შემდეგაც ევროპა ლიგის საკვალიფიკაციო ეტაპზე გადაერთვება.
