ლივერპული - პსჟ (1:0)
პირველ შეხვედრაში პარის სენ-ჟერმენის მხრიდან სოლიდური უპირატესობის მიუხედავად, გამარჯვება მაინც ლივერპულს დარჩა. ინგლისური გუნდის წარმატებაში უდიდესი როლი ითამაშა ალისონ ბეკერმა, რომელმაც საერთო ჯამში 9 სეივი გააკეთა. პსჟ-ს მხრიდან ერთადერთი მოთამაშე, რომელმაც შეძლო ბრაზილიელი გოლკიპერისთვის ბურთის შეგდება იყო ხვიჩა კვარაცხელია, მაგრამ მსაჯმა თამაშგარე დააფიქსირა.
დღეს, ქართველი შემტევი კიდევ ერთხელ ეცდება "წითლების" მეკარისთვის გოლის გატანას. ეს იქნება აღნიშნული გუნდების რიგით მეექვსე დაპირისპირება. აქამდე 3-ჯერ მოიგეს მერსისაიდელებმა, 2-ჯერ კი პარიზელებმა. ჯეიმს მილნერი კვლავ რჩება ერთადერთ მოთამაშედ, რომელმაც ამ დუელში 1-ზე მეტი ბურთის გატანა შეძლო.
შეგახსენებთ იმასაც, რომ აღნიშნულ წყვილში გამარჯვებული ჩემპიონთა ლიგის მეოთხედფინალში ბირმინგემის ასტონ ვილასა და ბრიუგეს შორის ერთ-ერთს შეხვდება. "ლურჯ-წითლებს" სჭირდებათ მხოლოდ მოგება, მაგრამ ეს არ იქნება მარტივი, მეტოქედ მათ ხომ პრემიერ ლიგის საუკეთესო გუნდი ჰყავთ.
სხვა მატჩები
ადრინდელ შეხვედრებში დღეს არის ბარსელონასა და ლისაბონის ბენფიკას დაპირისპირება. შეგახსენებთ, რომ პირველი თამაში რაფინია ბელოლის გოლით "ბლაუგრანამ" მოიგო. დღეს მიუნხენის ბაიერნი ესტუმრება ლევერკუზენის ბაიერს, რომელიც პირველ მატჩში 3:0 გაანადგურა. ამის გარდა, მილანის ინტერი როტერდამის ფეიენოორდს მიიღებს (2:0).
21:45 - ბარსელონა-ბენფიკა (1:0)
23:55 - ლივერპული-პსჟ (1:0)
23:55 - ბაიერნი-ლევერკუზენი (3:0)
23:55 - ინტერი-ფეიენოორდი (2:0)
