2026 წლის მსოფლიო ჩემპიონატის დაწყებამდე სულ რაღაც 5 დღე რჩება, ეროვნული ნაკრებები კი მოსამზადებელი ეტაპის ბოლო ფაზაში იმყოფებიან. LaGazzetta.ge-ზე ახალი რუბრიკა გრძელდება, რომლის ფარგლებშიც მსოფლიო ჩემპიონატის ფავორიტი და წამყვანი ნაკრებების სავარაუდო სასტარტო შემადგენლობებს გაგაცნობთ.
ამ სტატიაში ესპანეთის ნაკრების სავარაუდო სასტარტო XI ფეხბურთელზე ვისაუბრებთ. როგორც ჩვენთვის ცნობილია, ლუის დე ლა ფუენტე ტურნირის საწყის მატჩებში 4-3-1-2 / 4-3-3 სათამაშო სქემის გამოყენებას გეგმავს და, არსებული ინფორმაციით, სასტარტო შემადგენლობაზეც თითქმის საბოლოოდ არის ჩამოყალიბებული.
ესპანეთი (4-3-3): უნაი სიმონი, მარკოს ლორენტე, პაუ კუბარსი, აიმერიკ ლაპორტი, მარკ კუკურეია, როდრი, პედრი, ფაბიან რუისი, დანი ოლმო, მიკელ ოიარსაბალი, ფერან ტორესი.
შეგახსენებთ, რომ ლამინ იამალი ჯგუფური ეტაპის პირველ ორ მატჩს ტრავმის გამო გამოტოვებს, ხოლო ნიკო უილიამსი ჯერ სრულ მზადყოფნაში არ არის. შესაბამისად, ლუის დე ლა ფუენტეს საწყის შეხვედრებში ნომინალური ფლანგელების გარეშე მოუწევს თამაში. თუმცა, როგორც კი ორივე ფეხბურთელი დაბრუნდება, დიდი ალბათობით, ესპანეთის ნაკრები 4-2-3-1 სათამაშო სქემაზე გადაეწყობა.
