ცნობილმა ჟურნალისტმა, ჯეისონ პეტიგრიუმ ალისონ ბეკერის სუსტ მხარეებზე ისაუბრა. მან აღნიშნა, რომ ოპტიმალური ფორმისგან შორს ყოფნის მიუხედავად, ბრაზილიელი გოლკიპერი არ ხვდება კრიტიკის ქარ-ცეცხლში, ისე როგორც თუნდაც მისი კონკურენტი, გიორგი მამარდაშვილი.
"ლივერპულს ჰყავს ფეხბურთელი, ვინც კრიტიკას ყოველთვის აღწევს თავს. ეს ყველაფერი კი იმის გათვალისწინებით, რომ ის ოპტიმალურ ფორმაში არაა. ვგულისხმობ ალისონს, რომლის დახმარება მერსისაიდელებს სჭირდებოდათ ნიუკასლთან შეხვედრაშიც, მაგრამ მან ელანგას ძალიან მარტივად ააღებინა თავისი კარი.
მოსალოდნელი იყო, რომ "წითლების" მთავარი მეკარე გახდებოდა მამარდაშვილი, თუმცა გუნდის პრიორიტეტი კვლავ ბეკერი არის. ამის შესახებ მეტყველებს ის ფაქტი, რომ ბრაზილიელი გოლკიპერი ენფილდის მკვიდრთა ვიცე-კაპიტანი იქნება. მხოლოდ მისი ტრავმის შემთხვევაში შეძლებს გიორგი მოედანზე გამოსვლას.
ირაოლას გუნდის მთავარი მეკარის სტატისტიკა ძალიან არადამაჯერებელია - საჯარიმოს შიგნით განხორციელებული დარტყმების მხოლოდ 55.74 პროცენტს იგერიებს ის. ზოგადად, ყველა პოზიციიდან დარტყმები რომ ავიღოთ, სტატისტიკა მხოლოდ 63.53%-მდე იზრდება. ეს საშუალოზე ოდნავ მაღალი მაჩვენებელია.
როდის გახდება ქართველი მეკარე ლივერპულში მთავარი? შეგვიძლია ვივარაუდოთ, რომ 2027/2028 წლების სეზონიდან, თუმცა იქამდე დიდი დროა. გამოდის, რომ 25 წლის გოლკიპერმა კიდევ 1 სეზონი უნდა გაატაროს მერსისაიდელთა 1-ელი ნომრის ჩრდილში, რაც ცუდი პერსპექტივაა", - განაცხადა ინგლისელმა ჟურნალისტმა.
