წარმატებული აღმოჩნდა ქართველი მკლავჭიდელის, ლევან საგინაშვილის დებიუტი ამერიკის შეერთებულ შტატებში. King of the table 13 - East vs West აშშ-ში, ნიუჯერსიში გამართა. ქართველმა მთავარ დაპირისპირებაში მიიღო მონაწილეობა და ლეგენდარული ამერიკელი მკლავჭიდელი ჯერი კადორეტი დამაჯერებლად, 4:0 დაამარცხა. ლევან საგინაშვილს, როგორც მსოფლიოს უძლიერეს მკლავჭიდელს, სპეციალური ჯილდო გადაეცა. ლევანმა მსოფლიოს ჩემპიონის ტიტულის დაცვა მოახერხა.
აშშ-ში გამართულ ღონისძიებას ქართველი გულშემატკივრებიც ესწრებოდნენ. გამარჯვების შემდეგ, ლევან საგინაშვილმა ქართველ ხალხს მიმართა:
აშშ-ში გამართულ ღონისძიებას ქართველი გულშემატკივრებიც ესწრებოდნენ. გამარჯვების შემდეგ, ლევან საგინაშვილმა ქართველ ხალხს მიმართა:
"მადლობა ქართველობო, დიდი მადლობა რომ შეწუხდით და მოხვედით, ძალიან დიდი ძალა მომეცით. მადლობა საქართველო, მადლობა მინდა ვუთხრა ქართველ ხალხს, რომელიც არასდროს შეწყვეტს ბრძოლას თავისუფლებისთვის. მადლობა ჩემს ოჯახს, ჩემს მეუღლეს და მეგობრებს. ყოველთვის ვეცდები გაგახაროთ და ქართული დროშა მაღლა ავწიო."
აღსანიშნავია, რომ ეს ღონისძიება King of the table-ს და East vs West-ის პირველი ერთობლივი ივენთი იყო.
შეგახსენებთ, აპრილში თურქეთის ქალაქ სტამბოლში გაიმართა East vs West 12, სადაც სუპერ მძიმე წონაში ლევან საგინაშვილმა კანადელი დევონ ლარატი დაამარცხა და მსოფლიოს ჩემპიონის ქამარს დაეუფლა.
შეგახსენებთ, აპრილში თურქეთის ქალაქ სტამბოლში გაიმართა East vs West 12, სადაც სუპერ მძიმე წონაში ლევან საგინაშვილმა კანადელი დევონ ლარატი დაამარცხა და მსოფლიოს ჩემპიონის ქამარს დაეუფლა.
