UFC-ის ქართველი მებრძოლი ლევან ჩოხელი 19 სექტემბერს თბილისში იასპარეზებს.
საქართველოს დედაქალაქი Hype Fighting-ის ივენთს უმასპინძლებს. ლევან ჩოხელი შეხვედრას გრეპლინგში, Submission Only-ის წესებით გამართავს. ქართველის მეტოქე სომეხი ედუარდ ვარტანიანი იქნება.
ამ დროისთვის არსებული ოფიციალური ინფორმაციის თანახმად, ამავე ივენთზე იასპარეზებს კიდევ ერთი ქართველი მებრძოლი ლაშა მესხი. ლაშა Hype Fighting-ის შიშველი მუშტების ბრძოლაში უზბეკ დილშოდბეკ მადალიევს დაუპირისპირდება.
Hype Fighting-ის ივენთი თბილისი არენაზე 19 სექტემბერს 19:00 საათზე დაიწყება.
