კრიშტიანუ რონალდუმ დაანონსა, რომ 2026/2027 წლების სეზონი მისთვის ბოლო იქნება. მის გარდა, მსოფლიო ფეხბურთში შემორჩენილია კიდევ რამდენიმე ლეგენდა, ვინც პორტუგალიელი ფორვარდის მსგავსად, სეზონის მიწურულს კარიერას დაასრულებს. ერთ-ერთი ასეთია მანუ ნოიერი, რომელიც 40 წლის ასაკში როგორც აღვნიშნეთ, მიუნხენის ბაიერნთან ერთად ტიტულების მოგებას უკანასკნელად ეცდება.
ახალი სეზონის დაწყების წინ, მილანში მთავარი მწვრთნელის თანამდებობაზე დაინიშნა რუბენ ამორიმი, ვისაც მაღალი მიზნებისთვის ბრძოლაში ლუკა მოდრიჩი დაეხმარება. იყო ვარაუდი, რომ ლეგენდარული ფლეიმეიქერი კარიერას დაასრულებდა აშშ-ს მუნდიალის დამთავრების შემდეგ, მაგრამ ხორვატმა ვეტერანმა "როსონერიში" კიდევ 1 სეზონით დარჩენა გადაწყვიტა.
ბოლოს კი ედინ ჯეკო, ვისაც 2026 წელი უბრალოდ ზღაპრული გამოუვიდა. მისი დახმარებით, გელზენკირხენის შალკე აღზევდა ბუნდესლიგაში და ამის გარდა, ბოსნიელმა ფორვარდმა თავისი ქვეყნის ეროვნული გუნდის მუნდიალზე გასვლაში ფუნდამენტური როლი შეასრულა. დიახ, სეზონის ბოლოს მილანის ინტერის ყოფილი წინახაზელიც წავა.
