დღეს კონფერენს ლიგის მეორე საკვალიფიკაციო ეტაპის მატჩები გაიმართება, სადაც ორი ქართული კლუბი - დინამო თბილისი და გორის დილა ითამაშებს.
მოგეხსენებათ, დილამაც და დინამომაც პირველი ეტაპი წარმატებით დაძლიეს, დილამ ვირტუსს აჯობა, დინამო თბილისმა კი მონდორფს.
დილა - აპოლონი (20:00, თენგიზ ბურჯანაძე, გორი)
ვირტუსთან დამაჯერებელი საშინაო გამარჯვების შემდეგ, დილამ სტუმრად საქმე გაირთულა და რომ არა დავით კერესელიძის გმირული თამაში, არავინ იცის რა მოხდებობოდა.
შესაბამისად, დილამ საკუთარი მოედნის ფაქტორი დღესაც უნდა გამოიყენოს და მეტოქე დამაჯერებლად დაამარცხოს, რათა განმეორებითი მატჩის წინ კომფორტული უპირატესობა შეიქმნას.
რაც შეეხება აპოლონს, კვიპროსულმა გუნდმა ბოლო დღეებში სამი ამხანაგური მატჩი გამართა და სამივე წარმატებით - იგლზს და უტრეხტს მოუგო, აეკ ლარნაკასთან კი უგოლო ფრე ითამაშა.
დილას ბოლო 5 მატჩი: ვირტუსი-დილა 1:0, დილა-ვირტუსი 3:1, დინამო თბ-დილა 0:0, დილა-ტორპედო 0:1, დილა-რუსთავი 3:0
აპოლონის ბოლო 5 მატჩი: აეკ ლარნაკა-აპოლონი 0:0, იგლზი-აპოლონი 0:3, უტრეხტი-აპოლონი 0:1, აპოლონი-პაფოსი 0:2, ომონია-აპოლონი 5:2
დინამო თბილისი - ჟალგირისი (21:00, მიხეილ მესხი, თბილისი)
დედაქალაქურ კლუბს წინა ეტაპზე დიდი ძალისხმევა დასჭირდა, რათა მონდორფის ბარიერი დაეძლია. სტუმრად მოგებული 2:1 მატჩის შემდეგ, დინამო შინ მინიმალური ანგარიშით დამარცხდა და ყველაფერი დამატებით დროში გადაწყდა.
როგორც გუნდის მთავარი მწვრთნელი თემურ ქეცბაია აცხადებს, მნიშვნელოვანია, რომ დინამომ საგოლე მომენტები მაქსიმალურად გამოიყენოს, რადგან შემდეგ ეტაპებზე მეტოქეები უფრო ძლიერები არიან.
მართლაც, ჟალგირისი მონდორფზე ძლიერი გუნდია და ეს შედეგებზეც აისახება. ლიეტუვური გუნდი ბოლო 5 თამაშია დაუმარცხებელია და ლიეტუვას ჩემპიონატის მიმდინარე სეზონში მე-4 ადგილს იკავებს.
დინამო თბილისის ბოლო 5 მატჩი: დინამო თბ-მონდორფი 1:1, მოდორფი-დინამო თბ 1:2, დინამო თბ-დილა 0:0, იბერია-დინამო თბ 1:0, დინამო თბ-დინამო ბათ 2:1
ჟალგირისის ბოლო 5 მატჩი: ჟალგირისი-ტრანსინვესტი 3:1, ჟალგირისი-პეროვაცი 2:1, პეტროვაცი-ჟალგირისი 1:3, სიაულაი-ჟალგირისი 0:3, ტელსიაი-ჟალგირისი 0:0
