იბერია სტუმრად ალბანურ პარტიზანს დაუპირისპირდება. ამ გუნდების პირველი მატჩი თბილისში შედგა და ქართული გუნდის გამარჯვებით, 2:0 დასრულდა.
იბერიას იმ შეხვედრაში ბევრი მომენტი არ ჰქონია, თუმცა სწორი ტაქტიკური თამაშით განმეორებითი მატჩის წინ კომფორტული უპირატესობა შეიქმნა.
მოგეხსენებათ, ევროტურნირების წინ იბერიამ მწვრთნელი შეიცვალა. ახალგაზრდა სპეციალისტი ლევან კორღალიძე იბერიაში დაბრუნდა და საქმიანობა წარმატებით დაიწყო.
პარტიზანისა და იბერიას დაპირისპირება დღეს თბილისის დროით 22 საათზე დაიწყება.
რთულ სიტუაციაშია ტორპედო. ქუთაისელებმა კვიპროსში 3:1 წააგეს და მინიმუმ 2 ბურთის სხვაობით მოგება სჭირდებათ, რათა შემდეგ ეტაპზე გასვლის შანსები დაიტოვონ.
ომონია კვიპროსის ერთ-ერთი გამორჩეული კლუბია, თუმცა ქუთაისში თამაში იოლი არავისთვის არ არის. მითუმეტეს, შენგელია არენა სავსე ტრიბუნების მოლოდინშია.
ტორპედოსა და ომონიას მატჩი ქუთაისის სტადიონზე 21 საათზე დაიწყება.
