ეროვნული ლიგის ტურის ბოლო შეხვედრა მიხეილ მესხი 2-ის სტადიონზე შედგა, სადაც ერთმანეთს იბერია და გაგრა დაუპირისპირდნენ.
მიუხედავად რამდენიმე მცდელობისა, გაგრელები კარს კარგად იცავდნენ, თუმცა 84-ე წუთზე მატჩის გმირი ამირან ძაგანია გახდა, რომელმაც გამარჯვების გოლი გაიტანა და იბერიას 1:0 მოაგებინა.
ამ გამარჯვებით იბერიამ 59 ქულა დააგროვა და სატურნირო ცხრილში გალიდერდა. ასევე 59 ქულა აქვს დინამო ბათუმსაც, თუმცა იბერიას ურთიერთშეხვედრების უპირატესობა აქვს.
ჩემპიონატის დასრულებამდე 4 ტურია დარჩენილი, იბერიას კი შანსი აქვს, ჩემპიონი ზედიზედ მესამედ გახდეს.
