შეხვედრის ანგარიში მოულოდნელად სტუმრებმა პირველივე წუთზე გახსნეს — თავი სილვამ გამოიჩინა. მე-18 წუთზე მბაპემ გაათანაბრა, 33-ე წუთზე დიასმა სამეფო კლუბი წინ გაიყვანა, ხოლო ზუსტად 3 წუთში კილიანმა დუბლი გაიფორმა.
შესვენების შემდეგ უპირატესობას კვლავ მადრიდელები ფლობდნენ და ანგარიში მხოლოდ ერთხელ შეიცვალა. 57-ე წუთზე როდრიგომ აიღო ლას პალმასის კარი და რეალმა მარტივი გამარჯვება ჩაიწერა აქტივში. აღსანიშნავია, რომ დღევანდელ მატჩში თამაშგარე მდგომარეობის გამო ანჩელოტის გუნდს 3 გოლი გაუუქმეს.
20 მატჩის შემდეგ, რეალს 46 ქულა აქვს და ლა ლიგის სატურნირო ცხრილს ერთპიროვნულად ლიდერობს. მომდევნო ტურში სამეფო კლუბი ვალიადოლიდს ესტუმრება — მატჩი 25 იანვარს გაიმართება.
