ესპანეთის ლა ლიგის 37-ე ტურში ყველა მატჩი ერთდროულად დაიწყო და გულშემატკივრებმა საინტერესო დაპირისპირებები იხილა.
წლევანდელი სეზონის ჩემპიონმა, ბარსელონამ საკუთარ კედლებში ვილიარეალი მიიღო და უხვგოლიან მატჩში 3-2 დამარცხდა. მასპინძლების მხრიდან გოლები იამალმა და ლოპესმა გაიტანეს, ხოლო სტუმრებიდან თავი პერესმა, კომესანამ და ბუშანანიმ გამოიჩინეს.
მადრიდის რეალი ბოლოსწინა ტურში სევილიას ესტუმრა და მეტოქეს 2-0 აჯობა. გოლები კილიან მბაპემ და ჯუდ ბელინგემმა გაიტანეს. აღსანიშნავია, რომ მსაჯმა მოედნიდან სევილიას ორი ფეხბურთელი გააძევა და მადრიდული კლუბი დიდ უპირატესობას ფლობდა.
ესპანეთის ლა ლიგის 2024/25 წლების სეზონის დასრულებამდე მხოლოდ ერთი ტურია დარჩენილი და სატურნირო ცხრილში უკვე ბევრი რამ არის გარკვეული.
