საქართველოს ერთ-ერთი გამორჩეული კლუბი დინამო ბათუმი მძიმე სიტუაციაშია. კლუბს ფინანსური პრობლემები აქვს, უამრავი ვალი გადასახდელი და ვითარება კრიზისულია.
ბათუმელი გულშემატკივრები ბიზნესმენებისგან დახმარებას და გუნდის გადარჩენას ითხოვენ. დღეს დინამო ბათუმმა საქართველოს თასზე ითამაშა და გაგრას მეორე გუნდი 5:0 გაანადგურა.
LaGazzetta.ge-სთან საუბარში დინამო ბათუმის მთავარმა მწვრთნელმა გიორგი ჭიაბრიშვილმა გუნდში არსებულ ვითარებაზე ისაუბრა.
" ჩვენთვის ახლა ყოველი ქულა და ყოველი გამარჯვება ძალიან მნიშვნელოვანია. აუცილებლად გვმართებდა, რომ საქართველოს თასის თამაში მოგვეგო.
სიტუაცია მძიმეა, მაგრამ დინამო ბათუმი წელსაც იქნება ყველასთვის რთული მეტოქე. ჩვენ ყველანაირად შევეცდებით, რომ ისევ იმ სიმაღლეზე ვიყოთ, როგორც ბოლო წლებში ვართ.
ფეხბურთელები, რომლებიც ამჟამად გუნდში არიან, ჩვეულებრივად გააგრძელებენ თამაშს, სატრანსფერო ბანის მოხსნის შემდეგ, კიდევ რამდენიმე მოთამაშის დამატებას ვგეგმავთ. ხელმძღვანელობასთან ყოველდღიური კომუნიკაცია მაქვს.
რაც შეეხება გულშემატკივრებს, ისინი არ ჩერდებიან და როგორც ჩვენ მოედანზე ვიბრძვით, იმაზე მეტად იბრძვიან მოედანს გარეთ. maT მადლობის მეტს მათ ვერაფერს ვეტყვი.
ახალ სპონსორებთან დაკავშირებით რაღაც მოლაპარაკებები არის, იძახიან, რომ საქმე გამოსწორების პირასაა, ბოლო შტრიხები დარჩა და რამდენ ხანს გაგრძელდება ეს პროცესი, ჯერ არ ვიცი"
