FIFA ფეხბურთში ახალი წესის შემოღებას გეგმავს, ტესტირების რეჟიმი უკვე დაწყებულია — ინფორმაცია პრემიერ ლიგის ყოფილმა მსაჯმა, ჰოვარდ ვებმა დაადასტურა.
ახალი წესის მიხედვით, მწვრთნელებს VAR-ზე გადახედვის მოთხოვნის უფლება (ე.წ ჩელენჯი) ექნებათ და მოთხოვნის შემდეგ, მსაჯი ვალდებული იქნება ეკრანზე შეამოწმოს მომენტი.
პირველადი ინფორმაციით, გუნდებს მხოლოდ ერთ ან ორი ჩელენჯის უფლება ექნებათ — თუ მსაჯმა გუნდის მოთხოვნა დააკმაყოფილა, ჩელენჯი შენარჩუნდება, წინააღმდეგ შემთხვევაში კი გაუქმდება მატჩის ბოლომდე.
აღნიშნული წესი ტესტირების რეჟიმში ქალთა 17 წლამდე მსოფლიო ჩემპიონატზე იქნება გამოყენებული და მწვრთნელებს ერთ მატჩში ორი ჩელენჯის აღების უფლება ექნებათ. აღსანიშნავია, რომ პირველად ე.წ "ჩელენჯის" წესის შემოღებაზე მანჩესტერ იუნაიტედის ყოფილი ნახევარმცველი, როი კინი ალაპარაკდა.
FIFA ახალი წესის შემოღებას გეგმავს? — ტესტირება უკვე დაწყებულია
