გერმანიის ეროვნული ნაკრების ყოფილმა ფეხბურთელმა, მესუთ იოზილმა პოლიტიკაში წასვლა გადაწყვიტა და რეჯეფ თაიფ ერდოღანის პარტიის წევრი გახდა.
თურქული წარმოშობის ფეხბურთელმა კარიერა შალკეში 2006 წელს დაიწყო და სხვადასხვა დროს ვერდერის, რეალის, არსენალის, ფენერბახჩეს და ბაშაკშეჰირის ღირსებას იცავდა. მან საფეხბურთო კარიერა 2023 წელს დაასრულა და აქტიურად ჩაერთო პოლიტიკაში.
2023 წელს გამართულ თურქეთის საპარლამენტო არჩევნებში, მესუთ იოზილი სამართლიანობისა და განვითარების პარტიის სიაში იყო, რომლის ლიდერიც პრეზიდენტი ერდოღანია. კვირას გამართულ კონგრესზე კი ყოფილი ფეხბურთელი აღნიშნული პარტიის ცენტრალური საბჭოს წევრად აირჩიეს.
ფეხბურთიდან პოლიტიკაში — იოზილი სამთავრობო პარტიას შეუერთდა
208950
