კონფერენს ლიგის პირველ საკვალიფიკაციო ეტაპზე დინამო თბილისი ლუქსემბურგის მონდორფის დაუპირისპირდება. მატჩი 9 ივლისს, ლუქსემბურგში გაიმართება.
LaGazzetta.ge-ს ინფორმაციით, მატჩამდე რამდენიმე დღით ადრე, დინამო თბილისს გუნდის ერთ-ერთი ლიდერი გიორგი ხარაიშვილი გამოაკლდა.
როგორც ჩვენთვის არის ცნობილი, ხარაიშვილმა ტრავმა მიიღო და დედაქალაქურ კლუბს მინიმუმ ერთი თვით ვერ დაეხმარება.
29 წლის ხარაიშვილს ზურგს დიდი გამოცდილება უმაგრებს, ნათამაშები აქვს საქართველოს ნაკრებშიც. მიმდინარე სეზონში ის დინამოელთა შეტევის ერთ-ერთი მთავარი ძალაა.
