30 ივნისს, გერმანიის ქალაქ კიოლნში, საქართველოს ნაკრები ევროპის ჩემპიონატის 1/8 ფინალში ესპანეთს დაუპირისპირდება.
სამწუხაროდ, ამ შეხვედრას ჩვენი ნაკრების ნახევარმცველი ანზორ მექვაბიშვილი, ყვითელი ბარათების გამო, გამოტოვებს.
იმის გამო, რომ ოთარ კიტეიშვილს ტრავმა ჰქონდა, მექვაბიშვილმა თურქეთთან და ჩეხეთთან მატჩები სასტარტო შემადგენლობაში დაიწყო.
პორტუგალიასთან ის შეცვლაზე შევიდა. მექვაბიშვილმა ყვითელი ბარათები ჩეხეთისა და პორტუგალიის წინააღმდეგ მიიღო და ესპანეთთან არ იქნება.
სამაგიეროდ, მზადყოფნაშია ოთარ კიტეიშვილი, რომელმაც პორტუგალიასთან ბრწყინვალე მატჩი ჩაატარა.