2012 წელს, ლუკა მოდრიჩი 42 მილიონ ევროს ფასად ტოტენჰემიდან რეალ მადრიდში გადავიდა. სადებიუტო სეზონის პირველი ნაწილი მისთვის გამოდგა იმდენად ცუდი, რომ ადგილობრივმა პრესამ ხორვატი გამთამაშებლის ტრანსფერი წლის ყველაზე წარუმატებელ გარიგებად დაასახელა. ეს ყველაფერი 12 წლის წინ ხდებოდა.
რა მოცემულობა გვაქვს 2024 წლისთვის? "ბლანკოსის" ნახევარმცველის ანგარიშზე არის 550-ზე მეტი შეხვედრა, 25 ტიტული (კლუბის ისტორიაში საუკეთესო შედეგი), ოქროს ბურთი და ჩემპიონთა ლიგის 6 თასი, რაც ტურნირის ისტორიაში ასევე საუკეთესო შედეგია. როგორც გვახსოვს, ბერნაბეუს 10-იანი პრიმერაში გადავიდა ჟოზე მოურინიოს მოღვაწეობის დროს და აღსანიშნავია ისიც, რომ მან თავისი შეგირდი თავიდანვე დაიცვა.
"მოდრიჩი არის ფეხბურთის სილამაზე. ვამაყობ იმ ფაქტით, რომ მისი რეალში ტრანსფერი სწორედ ჩემი ინიციატივა იყო. არავის სჯეროდა, რომ მას მადრიდში ასეთი მაღალი დონის თამაშის დემონსტრირება შეეძლო. უკვე 10 წელიწადზე მეტია, რაც ლუკა გვაოცებს. ის უდიდესი ფეხბურთელია. ისინი იმ დროს ვერ აცნობიერებდნენ, თუ რა მაღალი დონის შემსრულებელი გადმოვიყვანე", - იხსენებს პორტუგალიელი ტაქტიკოსი.
