ეროვნული ლიგის და GFF-ის წლის საუკეთესოებმა LaGazzetta.ge-სთან კომენტარი გააკეთეს.
საბა ხარებაშვილი(წლის საუკეთესო U19 ფეხბურთელი): "მოხარული ვარ, რომ ეს ჯილდო მოვიგე, ჩემთვის დიდი მოტივაციაა, რომ მომავალში კიდევ ბევრი ასეთი პრიზი მოვიგო. მადლობა ფედერაციას, რომ ახალგაზრდა ფეხბურთელებს თავის წარმოჩენის ასეთი საშუალება მოგვცა"
გიზი მამაგეიშვილი(წლის საუკეთესო ნახევარმცველი): "სეზონს დადებითად შევაფასებდი, ჩემპიონები გავხდით. არ ვარ ის ფეხბურთელი, ვისაც ინდივიდუალური ჯილდოები გუნდის წარმატებაზე წინ ჰყავს. ახალ გუნდს რაც შეეხება, შტურმის სტადიონი ვნახე, ძალიან მომეწონა, საოცარი გულშემატკივრობა აქვთ და ერთი სული მაქვს, როდის შევუერთდები გუნდს"
დავით მუჯირი (წლის საუკეთესო გოლი): "ამ პრიზის მოგებით გახარებული ვარ, თან სასიხარულოა, რომ ამ გოლის გატანა ბოლო ტურში შევძელი. რაც შეეხება გოლის მომენტს, ბურთი ისეთი ტრაექტორიით მოდიოდა, რომ სხვანაირად ვერ დავარტყამდი და უცებ რაც ჩავიფიქრე, ისე დავარტყი"
ნათია დანელია (წლის საუკეთესო ქალი ნახევარმცველი): "წარმატებული სეზონი გამომივიდა, რადგან ჩემპიონობასთან ერთად თასის მფლობელიც გავხიდ, ახლა კი ეს პრიზი ავიღე. ვეცდები, მომავალში კიდევ მეტი ასეთი ჯილდო მოვიგო"
გიორგი ღავთაძე (ფუტსალის საუკეთესო მოთამაშე): "წლის საუკეთესოდ ზედზედ მესამედ დამასახელეს, მადლობელი ვარ და ეს დიდი პასუხისმგებლობაა. ვცდილობ ხოლმე, იმედები ჩემი თამაშით გავამართლო. ასე უნდა იყოს 2026 წელსაც, სადაც ევროპის ჩემპიონატზე წარმატებულად უნდა ვითამაშოთ"
