დღეს, ეროვნული ლიგის მე-13 ტურის შეხვედრები გაიმართება. ცენტრალური მატჩი დინამო არენაზე შედგება, სადაც მოქმედი ჩემპიონი იბერია დინამო თბილისს ესტუმრება.
დინამო თბილისის ახალი მწვრთნელისთვის თემურ ქეცბაიასთვის ეს პირველი დიდი გამოცდაა. ქეცბაიას დინამოსთან ერთად უკვე 3 მოგება დაუგროვდა, თუმცა დღეს ყველაზე ძლიერი ოპონენტის წინააღმდეგ მოუწევს გამოცდის ჩაბარება.
იბერია ჩემპიონის სტატუსს ამართლებს და ამ სეზონშიც 24 ქულით ჩემპიონატის ლიდერია. დინამო თბილისმა კი მოუგებელი სერია შეწყვიტა და კარგ სვლაზეა. გუნდი 18 ქულით მე-5 ადგილზეა.
ამ მატჩის კიდევ ერთი ინტრიგა ქართული ფეხბურთის ტალანტების დაპირისპირებაა - იბერიას შემტევი ანდრია ბართიშვილი დინამო თბილისის შემტევის, თორნიკე კვარაცხელიას წინააღმდეგ.
რაც შეეხება სხვა მატჩებს, გაგრა საკუთარ მოედანზე რუსთავს, ხოლო დინამო ბათუმი მეშახტეს დაუპირისპირდება.
