ბოლო წლებში, ამ გუნდების დაპირისპირებას სხვა დატვირთვა ჰქონდა და ორივე ჩემპიონობისთვის იბრძოდა, დღეს კი სხვა სიტუაციაა და დინამო თბილისი საგრძნობლადაა დაცილებული საჩემპიონო ზონას.
გასულ ტურში, დინამო თბილისმა ლიდერ დილასთან ბოლო წამზე წააგო, დღეს კი აუცილებლად გამარჯვებას შეეცდება. უშუალო კონკურენტთან წააგო დინამო ბათუმმაც. საშინაო არენაზე ისინი იბერიასთან დამარცხდნენ.
დისკვალიფიკაციის გამო, თბილისელებს 3 ფეხბურთელი - უგრეხელიძე, კალანდაძე და აკჯუპე დააკლდებათ, ბათუმს კი კაპიტანი კობახიძე და ვიქტორი.
მე-16 ტური სამტრედიაში გაიხსნება, სადაც ადგილორბრივი სამტრედია ლიდერ დილას დაუპირისპირდება. იმერლებისთვის ყველა ქულას დიდი მნიშვნელობა აქვს, რადგან გუნდი ბოლო პოზიციაზეა და გადარჩენისთვის იბრძვის. დილას მიზანი ლიდერობის გამყარება და კონკურენტებთან უპირატესობის შექმნაა.
ასევე დღეს, ჩემპიონობისთვის მებრძოლი იბერია საკუთარ მოედანზე კოლხეთს მიიღებს. იბერია დილას მხოლოდ 2 ქულით ჩამორჩება, კოლხეთი გადარჩენისთვის იბრძვის და მე-8 ადგილზეა.
ხვალ ტური ტორპედოსა და გაგრას მატჩით განახლდება, ბოლოს კი თელავი საკუთარ მოედანზე სამგურალს მიიღებს. ვინაიდან ტორპედოს კონკურენტებს ურთულესი მატჩები ელით, მათ გაგრასთან მოგებით შეუძლიათ სამეულში შევიდნენ.
მე-16 ტურის განრიგი:
23 მაისი, 17:00 - სამტრედია-დილა
23 მაისი, 19:00 - იბერია-კოლხეთი
23 მაისი, 20:00 - დინამო თბილისი-დინამო ბათუმი
24 მაისი, 20:00 - ტორპედო-გაგრა
24 მაისი, 20:00 - თელავი-სამგურალი
