სამტრედია საკუთარ მოედანზე გორის დილას დაუპირისპირდა და მიუხედავად იმისა, რომ მომენტები ორივე გუნდის კართან იყო, მატჩი უგოლოდ დასრულდა.
მოგეხსენებათ, სამტრედია გადარჩენისთვის იბრძვის, დილა კი ჩემპიონობისთვის და მათთვის გამარჯვება აუცილებელი იყო.
სენსაცია დაფიქსირდა თბილისში, სადაც იბერიამ კოლხეთს უმასპინძლა და 0:2 დამრცხდა. ორივე გოლი მელქაძემ პირველ ტაიმში გაიტანა, რის შემდეგაც გუნდმა თავი კარგად დაიცვა და მიზანს მიაღწია.
ცენტრალური შეხვედრა კი დინამო არენაზე შედგა. დინამო თბილისისა და დინამო ბათუმის მატჩში ანგარიში ვასილიოს გორდეზიანმა 15 წლის საბა ხარებაშვილის გადაცემით გახსნა.
თუმცა მეორე ტაიმში დინამო ბათუმი უპირატესობას დაეუფლა და ქამბექი შემოგვთავაზა. ანგარიში პაატა ღუდუშაურმა გაათანაბრა, საბოლოო ანგარიში უერდი მარამ დააფიქსირა - 1:2.
ხვალ, ეროვნული ლიგის კიდევ 2 შეხვედრა გაიმართება. ტორპედო გაგრას უმასპინძლებს, თელავი სამგურალს.
