რეალ მადრიდში მომდევნო სეზონისთვის მზადება აქტიურად მიმდინარეობს. როგორც ესპანური პრესა წერს, ჟოზე მოურინიო უკვე შეუდგა მუშაობას და კლუბის ხელმძღვანელობას საკუთარი მოთხოვნები გააცნო. პორტუგალიელმა სპეციალისტმა 3-4 ახალი ფეხბურთელის დამატება მოითხოვა, ხოლო მთავარ პრიორიტეტად დაცვის ხაზის გაძლიერება დაასახელა.
როგორც მოგეხსენებათ, სამეფო კლუბმა დენზელ დუმფრისის ტრანსფერი უკვე დახურა, ხოლო იბრაჰიმა კონატეს დამატებასთან ძალიან ახლოსაა, თუმცა ფლორენტინო პერესი ამაზე გაჩერებას არ აპირებს.
მოურინიოს კიდევ ერთი ცაცია მცველი სჭირდება, რომელსაც როგორც დაცვის ცენტრში, ისე ფლანგზეც ეფექტურად თამაში შეეძლება. კლუბთან დაახლოებული წყაროების ინფორმაციით, მადრიდელთა სიაში ორი ფეხბურთელია — იოშკო გვარდიოლი და რიკარდო კალაფიორი. ორივე მოთამაშის აგენტთან პირველი კონტაქტი უკვე შედგა და მხარეებმა პოტენციური ტრანსფერის დეტალები განიხილეს, თუმცა ამ ეტაპზე კონკრეტული ნაბიჯები ჯერ არ გადადგმულა. მოსალოდნელია, რომ სია გაფართოვდება და სამეფო კლუბს სხვა ფეხბურთელებსაც დაუკავშირებენ.
ზაფხულის სატრანსფერო ფანჯრის მოახლოებასთან ერთად, რეალ მადრიდის შესაძლო ტრანსფერებთან დაკავშირებით უფრო მეტი ინფორმაცია გახდება ცნობილი.
