ევროპის 21 წლამდელთა ჩემპიონატის ჯგუფური ეტაპის მეორე ტურში, საქართველოს საფრანგეთს დაუპირისპირდა და დრამატულ მატჩში 2-3 დამარცხდა.
შეხვედრის ანგარიში საფრანგეთმა პირველი ტაიმის მიწურულს, 35-ე წუთზე გახსნა — თავი ტელიმ გამოიჩინა. 76-ე წუთზე აბუაშვილმა გაათანაბრა, ხოლო 8 წუთში საზონოვმა საქართველო წინ გაიყვანა. 89-ე წუთზე, ლეპენანმა აღადგინა წონასწორობა, მსაჯის მიერ კომპენსირებულ მე-12 წუთზე კი ბარიმ გამარჯვების გოლი გაიტანა.
საფრანგეთი 3-2 საქართველო
გოლები: 1-0 ტელი (35'), 1-1 აბუაშვილი (76'), 1-2 საზონოვი (84'), 2-2 ლეპენანი (89'), 3-2 ბარი (90+12')
C ჯგუფის მეორე მატჩში პორტუგალიამ პოლონეთი 5-0 გაანადგურა და პირველ ადგილზე გადაინაცვლა. ბოლო ტურში საქართველოს სწორედ პორტუგალიას შეხვდება — შეხვედრა 17 ივნისს გაიმართება.
