ბულგარელებმა ორი გოლი პირველივე წუთებზე გაიტანეს და კომფორტული უპირატესობა შეიქმნეს, მათ კიდევ რამდენიმე რეალური მომენტი ჰქონდათ, თუმცა ბათუმელთა მეკარე მოწოდების სიმაღლეზე იყო.
მეორე ნახევარში მამუჩაშვილმა სხვაობა შეამცირა და სიტუაცია დაძაბა, თუმცა ლუდოგორეცმა ულამაზესი საჯარიმოთი მორიგი გოლი გაიტანა და საბოლოო ანგარიში დააფიქსირა.
ასეა თუ ისე, განმეორებითი მატჩის წინ ამ წყვილში ინტრიგა მაინც არის. მათი მეორე შეხვედრა ზუსტად ერთი კვირის თავზე, ბათუმში შედგება.
