ლიონის თავდამსხმელმა, გიორგი მიქაუტაძემ თავისი კლუბის ოფიციალურ ვებგვერდთან ისაუბრა. ახალგაზრდა შემტევმა გაიხსენა ევროპის ჩემპიონატზე გამოსვლაც, სადაც ის 3 გატანილი ბურთით ტურნირის თანაბომბარდირი გახდა. შეგახსენებთ, ქართველი ფორვარდის ტრანსფერი ოლიმპიკს 18.5 მილიონი დაუჯდა.
"განვლილ ევროპის ჩემპიონატზე ყოველი მომენტით სიამოვნების მიღებას ვცდილობდი. საოცარი გრძნობაა, როდესაც შენი ეროვნული ნაკრების მაისურით ევროზე გამოდიხარ. დაუვიწყარი მოვლენა იყო. არის რაღაცები, რაც შეიძლება აღარ განმეორდეს და ამიტომ, ყოველი წუთისგან ბედნიერება უნდა მიიღო. ასე იყო ევრო 2024-ზეც.
ლიონში დაბრუნება? - საამაყოა, როდესაც ამ გუნდს წარმოადგენ. აქ თამაშზე ბავშვობიდან ვოცნებობდი. მინდოდა ყველას გაეგო, თუ რისი გაკეთება შემეძლო ოლიმპიკის მაისურით. როდესაც გავიგე ამ კლუბის ინტერესის შესახებ, ის სხვებზე წინ დავაყენე", - განაცხადა საქართველოს ეროვნული გუნდის ფორვარდმა.