ალესანდრო ნესტამ საინტერესო განცხადება გააკეთა. ლეგენდარული მცველის თქმით, მის შვილს არ სჯერა, რომ იტალიის ნაკრებმა არც ისე შორეულ წარსულში მუნდიალი მოიგო. შეგახსენებთ, "აძური" მსოფლიო ჩემპიონატზე იყო 12 წლის წინ, ტურნირის პლეიოფში კი 20 წლის წინ.
"ჩემი შვილი უკვე თითქმის 18 წლის არის და მას არასდროს უნახავს მსოფლიო ჩემპიონატზე მოთამაშე იტალიის ნაკრები. როდესაც ვუყვები, რომ არც ისე შორეულ წარსულში "აძურიმ" მოიგო მუნდიალი, მას არ სჯერა. ამ ინფორმაციას იღებს ისე, თითქოს ლეგენდა ან ზღაპარი ყოფილიყოს", - განაცხადა იტალიელმა ყოფილმა უკანახაზელმა.
"ლურჯები" მსოფლიო ჩემპიონები გახდნენ 2006 წელს და იმის შემდეგ, შედეგები ასეთია - 2010-2014 ჯგუფში ჩარჩენა, 2018-2026 კი ტურნირზე საერთოდაც ვერ მოხვედრა. აქვე დავამატებთ, ანდრეა პირლოს გარშემო დატრიალებული სკანდალის შემდეგ, იტალია კვლავ რობერტო მანჩინიმ ჩაიბარა.
